اقتراح قسم خاص للبنات..برقم سرى..

السلام عليكم ورحمة الله وبركاته

أنا يا جماعة بعد اذنكم طبعا عندى اقتراح

إننا نعمل قسم خاص بالسيدات

يكون برقم سرى محدش يعرفه غيرهم

وتكون مواضيعه خاصة بيهم بس

والمسئولة عنه طبعا لازم تبقى بنوتة

وأنا اخترت اميرة بكلمتى

باعتبارها مراقبة فى المنتدى

مستنية ردودكم

فكرة جميلة جدا يا شيماء
علشان البنات تقدر تستفيد بردوا بالحاجات الى ممكن تتحرج تسأل فيها
بس انا مش معاكى انى انا الى امسكه ممكن بنوته تانية انا مش عاوز اتحمل مسؤلية
كفاية مراقبة حلوة اوى
وبما انك صاحبة الفكرة دا بعد اذن الادارة يعنى انتى ممكن تمسكى القسم
دا لو وافقوا على عمل القسم

فكرة جامدة جدا
تسلم افكارك يا شيماء

فكرة جامدة ياشيمو تسلم ايدك
وبعدين هما مين دول الى ميوافقوش هما يقدرو يقوللنا لاء
دا احنا القوة العطمة هنا هههههه

هوا الاقتراح حلو بس ليه يبقى مقفول للشباب
المفروض لا حياء فى العلم يعنى ههههههههههههه

نعم نعم نعم عاوز ايه يا احمد بيه
بنقولك قسم خاص للبنات ايه الى جاب الحياء فى موضوعنا دلوقتى
حاجات خاصة بالبنات وممكن نسئل ونستشير بعض فى حاجات ميصحش ان شباب يشفوها
حاجة غريبة والله ههههههههههه

ايوا منا فاهم ممكن مثلا لو عاوزة تستشيرى حد فى الرسائل الخاصة
لكن فى المواضيع الى فى القسم وكدا طبعا لاحياء فى العلم بردوا هههههههههه

رسائل خاصة ايه
امال احنا عاوزين نعمل قسم خاص للبنات ليه
وبعدين لاء مينفعش طبعا الشباب يشفوا القسم
ولو انتا معترض اوى كدا اسئل الادارة ونشوف رئيهم ايه فى الموضوع دا
دا انتا غريب اوى يا احمد هههههههه

لا طبعا يا اخ احمد مينفعش
ولو القسم عام هنلاقى ردود مستفزة ورخمة وتريقة وكلام من دا
ومش لازم منك انتا ممكن من اى عضو تانى جديد ولا حاجة
دا غير انه عيب يعنى

لا انا كمان اعترض
انا مواطن مصرى وليا حقوق مصرية ههههههههه
مش دا المفروض انه قسم من اقسام المنتدى يابنات ولا ايه
مش هتعمولنا حظر تجوال يعنى علشان انتم القوى العظمة
وشكرا وشكرا

Admin الجنس : تاريخ التسجيل : 04/08/2013

بصراحه هيه فكره كويسه دا من وجهه نظرى